Hreppafluttningar.

Hreppaflutningar. Í fyrirspurnartíma á Alþingi í vetur spurði Margrét Frímannsdóttir 1. þingmaður Suðurkjör- dæmis (það er forystu þingmaður kjördæmisins) Siv Friðleifsdóttir heilbrigðisráðherra um heilbrigðis og öldrunarmál á Suðurlandi. Í máli þingmannsins Margrétar Frímannsdóttir kom  fram að fjórir eldri borgarar frá Hveragerði hafi verið fluttir hreppaflutningi (eins og þing- maðurinn orðaði það)200 km. leið á elliheimili á Kirkjubæjarklaustri langt frá skyldmönnum sínum og heimahögum. Þetta ásamt öðru, átti að sýna og sanna lélega þjónustu við aldraða.    Mér finnst þessi spurning þingmannsins segja mér það,að það sé sitt hvort að heita Jón eða séra Jón. Ég hef aldrei heyrt þingmenn Suðurkjördæmis(og þar með þingmenn Skaftfellinga)  tala um hreppaflutninga,þó ungmenni austan úr Skaftafellssýslu verði að sækja skóla langt frá sínum foreldrum og heimabyggð. Eða þó okkur Skaftfellingum hafi stöðugt fækkað vegna búferla flutninga héðan síðustu árin.     Mér finnst að þingmenn okkar Sunnlendinga hafi látið sig litlu varða þó frjálshyggjufárið og sú grímulausa markaðshyggja(Ég held hann megi fara á hausinn   stefnan)sem ráðið hefur undanfarin ár,hafi smátt og smátt verið að ganga frá þessu samfélagi hér í Skaftafellssýslu fjárhagslega og ekki síður félagslega séð.  Þegar Skaftárhreppur varð til árið 1990 úr fimm sveitarfélögum voru hér 613 íbúar ef ég man rétt,síðan hefur okkur altaf verið að fækka og árið 2006 fækkaði um 16 íbúa og íbúatalan fór þá niður fyrir 500 þannig að á 16 árum hefur okkur fækkað um tæp 20%. Átti ekki sameining sveitafélaga öllu að bjarga?       Oft hef ég velt því fyrir mér til hvers ég Skaftfellingurinn var að kjósa til alþingis,þar sem mér  fannst oft, þingmenn okkar lítið vilja vita um fólkið og byggðina fyrir austan Eyjafjallajökull.  Nú er ég hinsvegar ákveðin í að kjósa Bjarna að baki Guðna og allt þeirra viðhengi í vor.Ég vil trúa því,að fái þau Bjarni og helst Helga Sigrún líka góða kosningu í vor þá verða þau örugglega oft á ferðinni hér austur í Skaftafellssýslu.  Verði það svo, þá verður svo sannarlega til einhvers að kjósa.                                                                                                                                               Gissur á Herjólfsstöðum.  Þessi grein var í Sunnlenska fréttablaðinu eða Dagskránni árið sem hún var skrifuð. G. J.