Ferðasaga krakkana í júlí 1944

       Kl.1 fara á Gísla Bíl, Loftur,Gissur og Svava út í Vík á stúkuball ásamt 25 öðrum.          Kl. 3 ½ fara af stað á hestum,,kallinn”Jóhannes,Hulda,Ingibjörg,Þórarinn,Þorsteinn, Garðar.,,Kallinn” reið á Gráubeljunni( hesturinn oft kallaður þetta.)( Ath.  Gissur)en Garðar á Glám í hnakk og stóru gæruskinni,bundið snæri í faxið sem Garðar hélt í,en,, kallinn” teymdi Glám við hlið Grána.      Þorsteinn reið Stjarna Einars og hin öll ein á sæmilegum hestum og Þórir Arinbjarnarson var með á skjóttu merinni og fjórir hundar.Nú var haldið á stað beint upp að Skálm en ekki krækt vestur á brú en farið yfir Skálmina á Skógarvaðinu,vatnið í bóghnútu á hestunum en sund á hundunum og allir og eining Garðar tóku helst eftir hundunum er flaut yfir fyrir framan skottið á þeim. Þegar yfir Skálmina kom var riðið hratt að fornu Lögréttinni er Kötlugosið eiðilagði að mestu 1918. Eftir að búið var að skoða leifar réttarinnar og láta hestana bíta í botni hinnar fornhelgu réttar þar sem Álftveringar glöddust yfir fé sínu og oft með flöskuna með um áratugi fyrir gosið 1918.       Var nú haldið að Vambafossi sem er ofar á Ljósavötnum rétt við þjóðveginn,eftir að hafa skoðað fossinn og athugað hvort ekki væri vömb í hylnum við fossin eins og áður átti að vera þegar þjófar fleygðu vömbum í hann.      Var nú haldið áfram þjóðveginn að Laufskálavörðu riðum mjög hratt ,,kallinn”og Garðar drógust aftur úr í byrjun en Þorsteinn þaut á undan hóp- num á Stjarna en er leið á sprettinn og Garðar hafði gaman af hraða ferðarinnar hleyptu þeir á sprett og komu að vörðunni samsíða hinum(ég held að hér eigi hann við að hann ,,kallinn”og Garðar sem hann teymdi undir hafi verið samsíða hinum)(Ath. Gissur) þá voru allir hestar móðir og sveittir því heitt var logn og sólskin.       Var nú tekið til verka,þeir sem áður  höfðu komið þangað að laga og bæta við áður hlaðnar vörður sínar og hlaða nýjar. Garðar hlóð axlar háa vörðu miðað við hann sjálfan,digra og myndarlega.                Og nú þegar hestar voru afmæddir var farið beint í austur til Geldingahálsa,þar var hagi handa hestum og nestið étið sem þeir Þórarinn og Þorsteinn voru með og skoðað útlit til Skaftártungu. Þaðan haldið suðaustur í Kerlingarhraun þar flaug upp Rjúpa í sárum,hundarnir ætluðu sér að hremma hana,en krakkarnir kölluðu svo höstugt til þeirra að Rjúpuna sakaði víst ekki.    Var nú haldið austur Kerlingarhraunið að Skógakerlingu um hana kvað Sverrir afi Óskars prests á Siglufirði:   ,,Þegar smalar seggur sá,svo mun fljóðin gruna,að skjómarjóður skjótist á ,Skógarkerlinguna”Sverrir bjó í Skálmarbæjarhraunum upp úr aldamótunum 1900 og var kvikfjársmali.   Við Skógarkerlinguna fóru krakkarnir í feluleik í hraunhólunum sem allir eru með skógarlaufi   Frá kerlingunni var haldið fram að hraunabæ en á leiðinni skoðaðar fjárhústættur er Bjarni Sverrisson byggði sér stuttu eftir aldamótin 1900,þar teknar nokkrar skógarhríslur til minnis um ferðina.    Voru svo skoðaðar bæjartætturnar í hraununum og fjárhúsin þar er voru með marga smáfugla er virtust vera þar að taka sér náttstað og svo nú haldið af stað í síðasta áfangann, fram sandana á harða spretti með Þorstein á Stjarna í fararbroddi og nú var Garðar orðin svo mikill reiðmaður á Glám að honum þótti best að fara sem hraðast .Þorsteinn á undan fram yfir Skálm er var rúmlega í kvið á hestunum,en ,,kallinn”og Garðar síðastir og þegar hundarnir syntu kallar Garðar hundarnir allir á sundi.       Komið var við í Skálmarbæ en ekki farið af baki. Konan kom til dyra var ein heima. Kallinn út í Holti en synirnir allir 3 út í Vík. Og nú var farin lausamanns reið frá Skálmarbæ að Herjólfsstöðum og  heim var komið kl.8 ½  Þórarinn og Þorsteinn tóku Stjarna og Glám og ráku hestana vestur fyrir garð,riðu fram að Hraunbæ og sóttu beljurnar og nú kl.10- komnir kátir upp í rúm og allir ferðalangarnir ánægðir og sagan búin. Þessa ferðasögu hefur pabbi minn Jóhannes skrifað á blöð, sem nú eru orðin mjög gulnuð,  vona að mér hafi tekist að skrifa það sem réttast upp.                                                       Í maí ár 2007 Gissur Jóhannesson  kt. 131228-3689.