Hvað er rétt gengi gjaldmiðla?

Hvað er rétt gengi gjaldmiðla,hvort sem það er króna ,evra eða einhver annar gjaldmiðill.      Getur sama gengi gjaldsmiðils gilt innan sama ríkjasambandsins suður við Miðjarðarhaf og norður við Norðuríshaf? Sjálfsagt getur sami gjaldmiðill gilt við bankastarfsemi,verslun og ýmsa þjónustu þar.   En getur hann gilt á sama hátt ,þar sem loftslag og landshættir eru með misjöfnum hætti og þar af leiðandi allt mannlíf sem lífsafkoma manna byggjast á ? Ég efa það?

Hér á landi eru það fyrst og fremst fjórar atvinnugreinar sem lífsafkoma þjóðarinnar að stórum hluta byggjist á.Þ.e.Sjávarútvegur,Landbúnaður,Ferðaþjónusta og Orkuframleiðsla.             Þessar atvinnugreinar sem m.a.vegna hnattrænnar stöðu landsins verða ekki reknar nema hér þá geta þær ekki þrifist án þess að njóta til þess margskonar þjónustugreina allt frá hæstu stjórnunarstörfum til þeirra nauðsynulegu starfa sem er að hirða upp ruslið sem allir skilja eftir.  Þó þessar atvinnugreinar séu undirstaða þess atvinnulífs sem hér er,þá getur verið um margskonar aðra vinnu að ræða sem hægt er að starfa við.Má þar nefna til ýmiskonar iðnað t.d. húsgagnaiðnað,sauma og prjónastofur,kvikmyndaiðnað og fleirra sem spara mætti gjaldeyrir með og svo aukna fullvinnslu og framleiðslu innlendra afurða.                              Að sjálfsögðu mætti með núverandi og auknu mentunarstigi þjóðarinnar stunda margskonar hátækni iðnað og svo margt og margt fleirra.

Aðal atriðið er að gjaldeyris og vaxtamálum þjóðarinnar sé þannig stjórnað(þessvegna með handafli)að innlent vinnuafl sé samkeppnisfært við vinnuafl þeirra þjóða sem við skiptum við.

Frelsi það fallega orð og sú merking sem það hefur má aldrei skerða. En frelsi án stjórnunnar er ekki til því miður,því alltaf verða einhverjir til sem misnota frelsið til eiginhagsmuna fyrir sig. Það ættum við Íslendingar að hafa lært af stjórnleysi frjálshyggunnar undanfarinn ár.      Hræddur er ég um að margir Íslendingar eigi erfitt með að átta sig á því að sá gerfi hagvöxtur sem þjóðin lifði við á undanförnum árum sé ekki lengur til. Þjóðin öll verður að átta sig á því að tími ofurlaunanna er liðinn.  Að ætla að lifa hömlulaust á peningaslætti í útlöndum getur ekki gengið til lengdar,eins og dæmin sanna.   Það kemur altaf að skuldadögum.                         Því verðum við að lifa á því sem landið og hnattstaða þess gefur okkur tilefni til.

                                        Gissur Jóhannesson Herjólfsstöðum.